الحكايه مش روايه ولاقصيدة شعر وانتهت ولا بيتين زجل والسلام . الحكايه ان همه شوية كلام مزنوأين جوه زورى والسلام. هألهم وان شاء الله يكون على الدنيا السلام . الحكايه انتهت قبل البدايه . والبدايه كانت بالظبط معايا . لما فى يوم اتوهمت ان بلدنا فبها مخلصين . قلت والله لأوول كلمتى وده طبعا مش حرام . عزمت وبعد العزيمه شديت على بطنى الحزام . لأيت ناس للاسف ادمهم مليون سنه عشان يفهموا معنى الاحترام . وانا ماشى بأووول ياناس ايه اللى بيحصل ده حرام . ان واحده أعده بطبأ صغيربتبيع فيه شوية ادام . تعرفوا انه لما يقطع نفسه وتبيعه هايجبلوا كام؟ . ولا هاتأعد فى السوء من الوأت كام؟ . خادنى الفضول وأعدت اراأب ام الادام . ساعه ..... ساعتين يانهار ابيض الوقت عدى . ولابعيتش حاجه .لأ بأاااا مابدهاش اما اروح انا اشتريهم أولتلها ياخاله خليكى حنينه وأوليلى الشوية السمنه دول بكام . أالت لى تعالى يابنى مش مهم الفلوس انته بس دوء عمايل ام حمام . أولت لها ازاى بأا يخاله ده انتى أعده بأا لك فتره محدش أال ليكى سلام . أالت وماله يابنى الرزأ لما بيجى يبأى مش عايزكلام . .اتفقنا على السعرعارفين طلع اد ايه؟ ولاكام؟ كم جنيه مش كتير . يعنى مش الرزأ الوفير . لكنها باست ايديها وأالت نحمد رب الانام. ا . نتوا عارفين الست ديت تأريبا عمرها يدى كام . حاجه كده فى الستين او أأل شويه بالكمال والتمام أولت فى نفسى واد يايوسف عندها من الولاد دي كام. ولااااايمكن معندهاش . مهيا لوعندها مكنتش أاعدت الأعده ديا . ولاااا يمكن عندها وسيبنها لدنيا الزحام . المهم ضربت اسداس فى اخماس . وبعدين أولت لنفسى انته ناااااأص ياعم امشى . اومال الناس التانيه تعمل ايه . تانيه مين ياعم يوسف سيبك بأااا وعيش زى باااأى الأنام . طنش شويه . كبر شويه . عدي شويه . شاكلى كده مافيش فايده . بردوا راسى فيها ألف وسواس وخناس . الموظف اللى عايش بعد مايقبض يروح يسدد ومايلأش حتى . ولا سحتوووووت من نحاس . والتمرجى . والمبيض . والمدرس . واللى من صباحو . شال الكريك مع الغلأ والفاس . واللى طالع من النجمه يزرع عشان يأكل ولاد الناس . وى .وى .وى حاجات كتيره لازم تتحسب مش بس بالألم والكراس . دى مسطره ومهندسين وعولما وكمبيوتروناس كمان كييتيير . الكل لازم يحل بالتعاون مع الرئيس والاميروالغفير . ساعتها هنلاأى ناس بتشأى وناس تفكروناس تغيييير . البلد دى مش ليأيه ولا لعبه فى ايد اى امير . البلد برده هيه كنانة الله فى ارضه وكوكب العرب المنير واللى. مش عاجبه كلامى يشوف له ...... وعليييه يطيييير.
ليست هناك تعليقات:
إرسال تعليق