حقى برقبتى

حقى برقبتى جمله بنسمعها دايما..... بس ايه هو معناها؟

من وجهة نظرى ان ال له حق المفروض مايفرطش فيه

واللى مزعلنى ان احنا فى مصر دايما مفرطيين فى حقنا وده طبعا لعدة اسباب

السبب الاول الخوف او بمعنى ادق الجبن على راى المثل (عيش جبان تموت مستور)

السبب التانى الرياء وده بقى مصيبة المصايب ونقول (اللى نعرفه احسن من اللى منعرفوش)

السبب الثالث افتراض سوء النيه وده اعظمهم (لأن المتهم حتى تثبت ادانته هو متهم)

وطبعا اذا انته ليك حق وتسيبه ماتدورش عليه يبقى ده معناه انك سلبى والسلبيه اصبحت سمه من سمات المصريين و من الصعب التخلى عنها زى عادة التدخين قليل من يتخلى عنها

ولاننا مدمنين سلبيه وتدخين مافيش مانع نحرق نفسنا ونقول هنعمل ايه يعنى . احنا بايدينا ايه نعمله . واصبحت مصر كلها بتقول وانا مالى خلينى ياعم اربى عيالى

ونسينا كلنا ان البحث عن الحق وعدم تركه للغير حتى ولو وصل لحد الموت هو شهاده فى سبيله وده هو معنى الجمله حقى برقبتى يعنى ياحقى ياتطير رقبتى فى سبيله

وده مش معناه ان كل واحد يرفع السيف فى وش الاخر ولكن اجدادنا قالو ماضاع حق وراؤه مطالب .... وادينا كلنا شايفين ان كل منصب من المناصب المهمه فى البلد بقت بالكوسه وبالرياء والنفاق لحد ماأصبح كل من يعتلى منصبا غير مؤهل ليه ويلا اهى ماشيه .. ماشيه ازاى.... مهلبيه يعنى !

سمك لبن تمر هندى كل ده تضربه فى بعضه يديك تركيبه من اللى موجوده دلوقتى

مدير عام فى مكان لايعرف فن الاداره او وزير فى وزاره كل اللى يعرفه ازاى يأمن مستقبله ومستقبل اولاده .. رئيس وزاره جاب السمك واللبن و التمر الهندى وخلطهم ببعض وفى النهايه عرض الوصفه على كبير الطباخين اللى بارك الوصفه وقال ليس فى الأمكان احسن مما كان واهه الكل بيطبخ طبيخ مسلوق وبيأكلوه للشعب المريض الراضى القابع خلف جدران الفقر والسلبيه والنفاق شعب راضى لنفسه المهانه والاستهانه وعمره ماادور على حقه وقال فين الملايين اللى اتسرقت او قال ليه الناس بتموت فى الشوارع من الجوع والبرد ... انا بقترح ان الشعب يقوم بعمل مسيره صامته

ليه مايقومش قومه سلميه بدون صياح ويمشوا فى الشوارع احتجاجا على الاوضاع وأكرر تانى بدون كلام لان الصمت ابلغ من الكلام عشان يعرف كل واحد فى اى منصب ان حتى الكلام خلص ولم يعد لدينا مانعطيه لقد اخذو كل شى حتى المطالبه بالحقوق بقت حق مسلوب. ويادوب سايبين لينا المر مالى الكوب .

حتى العضم خادوه مش سايبين ولا عرقوب

انتوبقى اتفرجتو على فيلم ادونى حقى ياولاد المركوب؟

تعالو نخدم دينا بدلامن الكلام

هؤلاء اعلنوا اسلامهم وصدق الله العظيم حين قال ( بسم الله الرحمن الرحيم اذا جاء نصر الله والفتح ورأيت الناس يدخلون فى دين الله افواجا فسبح بحمد ربك واستغفره انه كان توابا )

انا بولس الوهم والوهن

انتهى مؤتمر خيبة الامل الذى انعقد فى انا بولس الامريكيه تلك المدينه التى وحد فيها الأمريكان بلدهم دون اى تقدم يذكر للعرب وظهر لنا المفاوض العربى فى حاله من الضعف والتوهان اما عن الجانب الاخر فحاول المفاوض الاسرائيلى تحقيق مكاسب كبيره باعلانه عن ذبح عرب 48 وذلك بان اسرائيل ستكون دوله يهوديه فقط وكنا نتوقع من المفاوض العربى والفسطينى جرأه اعمق من التى ظهر بها حيث انهم قد ذهبوا بدون ورقة عمل موحده مدون فيها مطالب محدده فكل ماكان فى نفس المفاوض العربى هو الحصول على فرصه للسلام وفقط فى حين ان المفاوض على الطرف الاخر ومن ورائهم الدعم الامريكى قد حقق مكاسب بحضور الدول العربيه التى كانت ترفض الجلوس على مائدة التفاوض وقد استغل هذه الفرصه رئيس وزراء الكيان الصهيونى بطلب التطبيع مع اسرائيل بدون مقابل

هذا المقابل الذى كنا نتوقعه من المفاوض العربى بتحرير المسجد الاقصى مثلا او اعلان القدس الشرقيه على الاقل عاصمه لفلسطين اوجعلها عاصمه كونفدراليه يتحابى فيها ثلاثة اديان سماويه بدلا من الغطرسه اليهوديه التى تسير نحو تخصيب الارض لنزول السيد المسيح هذه الايدولوجيه التى يسير عليها نهج الرئيس الامريكى وزبانيته وبعد انتهاء المؤتمر مباشرة بدأت اسرائيل بالقتل والذبح فى غزه وكأنما هى اضحية عيد الاضحى القادم تلك هى الهديه التى تقدمها اسرائيل الى الشعوب العربيه منفردة بذلك وبماركة الدول العربيه بحركة حماس مع اننا نختلف مع حماس فى بعض الامور الا اننا مقتنعون تماما بأن وجود حماس التى تحمل السلاح هى الضمانه الوحيده للقضيه الفلسطينيه مع الفصائل الاخرى التى لاترضى للسلاح بديلا دون الانخراط فى حب السلطه والعمل السياسى واغراءاته

واخيرا فان القضيه الفلسطينيه لا حل لها الا بشعب فلسطينى موحد لايتبارى فى قتل نفسه

عبد الحميد الجوهرى كفر الابحر دقهليه